對於頭髮天生自然捲，一起身頭髮又會亂過打風既小編，每個早上洗頭吹頭已經喺例行公事。為左可以懶床訓多一陣，小編一直都不遺餘力咁搜集一啲好用嘅美髮工具。近期俾小編發現咗韓國有一隻非常HOT嘅美髮神器，唔少韓妹同埋KOL都話大讚好用，佢就係NASV既直髮梳啦~
佢嘅外型就好似一把普通嘅梳咁，使用上就好似平時梳頭咁，完全無需技巧。
一梳頭髮基本上已經會十分貼服順直，佢同直髮夾最大嘅分別就係佢做出黎嘅效果會比較自然一啲，如果要求完全筆直的髮型應該就需要用番直髮夾，但想要自然柔順嘅直髮效果用佢就啱曬啦。
如果覺得完全順直嘅髮型唔夠造型仲可以將髮尾向內梳，打造出微微內彎嘅效果都非常好睇。
另外，對於每日都需要整理頭髮嘅朋友黎講，雖然使用有熱力嘅美髮產品唔多唔少都會對頭髮做成一啲傷害，但使用直髮梳時頭髮嘅受熱程度比用直髮夾少，所以長遠使用上亦都減少咗頭髮受傷嘅機會。
自從我遇到呢把直髮梳之後，三兩下手勢就已經梳到啲頭髮貼貼服服又順直，五分鐘都唔使就已經輕鬆整理好我嘅一把長頭髮，兩個字講曬：掂呀~ 
來源: 友和
